Skoenlapper

  • by Irma Venter
  • Narrated by Stian Bam
  • 8 hrs and 28 mins
  • Unabridged Audiobook

Publisher's Summary

Uiteindelik: dié blitsverkoper is nou ook as luisterboek beskikbaar! Alex het ’n teorie oor chaos. Waar hy ook al gaan, volg dit hom. Dis hoekom hy joernalis geword het en hom nou in Tanzanië bevind. By ’n troue iewers tussen Dar es Salaam en Arusha ontmoet Alex vir Ranna, ’n vryskutfotograaf met ’n bos swart krulhare, ’n t-hemp wat sê Dr. Seuss is altyd reg, en ’n verlede waaroor sy nie praat nie. Alex wat lankal nie meer in Die Liefde glo nie, weet: dit is hoe dit voel. Maar dan haal die chaos hom in. Eers begin dit onophoudelik reën en paaie en dorpies spoel weg. En dan, wanneer die lyk van ’n Amerikaanse IT-biljoenêr op ’n strand uitspoel, word dit duidelik dat Ranna met rede haar verlede probeer begrawe. Waarom anders stel die polisie skielik in haar belang? Die aweregse karakters in hierdie spannende raaiselroman, sal gou ou vriende word. Die briljante polisieman Hamisi Habane word deur sy eie spoke voortgedryf, en vir Alex se IT-kontak, die petite Sarah Fourie van Pretoria-Wes, is geen inligting buite perke nie, solank sy haar ses blikkies Coke en haar rekenaar byderhand het.
Short description/annotation:
Uiteindelik: dié blitsverkoper is nou ook as luisterboek beskikbaar! Iewers naby Dar es Salaam ontmoet Alex vir Ranna, ’n vryskutfotograaf. Wanneer die lyk van ’n IT-biljoenêr na vloede op ’n strand uitspoel, blyk dit Ranna is met rede geheimsinnig oor haar verlede. Waarom anders stel die polisie skielik in haar belang?
Please note: This audiobook is in Afrikaans.

More

See More Like This

Customer Reviews

Most Helpful

Uitsekend

Ek het maar net 'n kans gevat op hierdie boek; geen idee gehad waaroor dit gaan behalwe die paar sinne wat ek op audible gelees het nie. Ek is so bly! Dit is 'n interessante boek met karakters waaroor ek omgee, en nou sien ek daar's twee verder boeke in die reeks; Skrapnel en Sondebok. Dis snaaks, want Skoenlapper kon beslis net op sy eie gestaan het. Toe ek klaar gelees het, het ek nie gedink daar gaan 'n opvolg wees nie, maar nou ja.

Stian Bam het dit goed voorgelees ook. Daar was 'n paar keer wat ek nie die stemme kon onderskei nie, en was nie altyd seker wie dit is wat praat nie. Hy't ook 'n bietjie binnensmonds gepraat so hier en daar. Maar, dis 'n klein ding, en het nie my genot van die storie bederf nie.

Die storie het my aan Konsalik se boeke laat dink, maar beter geskryf.

Bottom line: koop dit.
Read full review

- Darrin

Goeie stirielyn

Baie goeie boek! Stian Bam het hom goed van sy taak gewkyt. Belangrik om te weet daar is 'n opvolg, en die boek is soos episode een.
Read full review

- Anneke

Book Details

  • Release Date: 12-26-2013
  • Publisher: Human & Rousseau